माधब प्रसाद घिमिरे
बर्दघाट २५ पुष – पत्रकार कुश्माकर ढकाल (कृष्ण) सहकारी पत्रकारिता अवार्ड वाट सम्मानित हुनुभएको छ । पश्चिम नवलपरासीको बर्दघाटमा रहेर पत्रकारिता गर्दै आएका उहाँलाई शनिवार हाम्रो सुपर साकोसले अवार्डवाट सम्मानित गरिएको हो ।
बर्दघाट–२ चिसापानीमा केन्द्रीय कार्यालय रहेर बर्दघाट नगरको भटौलिया,जिमिरेभार र पञ्चनगरमा सेवाकेन्द्र संचालन गर्दै आएको हाम्रो सुपर साकोसले ले आफ्नो १३औं वार्षिक साधारण सभामा पत्रकार ढकाललाई नगद र प्रशंसा पत्र प्रदान गरेर सहकारी पत्रकारिता अवार्डवाट सम्मानित गरिएको थियो । पत्रकार ढकालले सहकारी सम्बन्धि सुचना,विचार तथा समाचारहरु सम्प्रेषण तथा सम्पादन गरी सहकारी अभियानलाई सफल बनाउन गरेको योगदनाको कदर गर्दै यस वर्षको संस्थाले प्रदान गर्ने सहकारी पत्रकारिता अवार्ड कृष्ण ढकाललाई प्रदान गरिएको अवार्ड प्रदानका क्रममा जानकारी गराईएको थियो ।
उहाँ नेपाल टेलिभिजनको पश्चिम नवलपरासी सम्वाददाता र गाउले दर्पण अनलाईनका कार्यकारी निर्देशक समेत हुनुहुन्छ ।
