सुनवल १० मंसिर – पश्चिम नवलपरासीको सुनवल नगरपालिकाका नगरप्रमुख भिमबहादुर थापा क्षेत्री (भरत) र उपप्रमुख दधिराम अर्याललाई कोरोना संक्रमण भएको छ । बुधवार दुवै जनालाई कोरोना पोजेटिभ देखिएको हो । यस अघि नगर प्रमुख थापाको सचिवालयले मंगलवारदेखि आराम गरिरहेका उनलाई टाईफाइडको लक्षण देखिएको बताएको थियो । कोरोना परिक्षणबाट पोजेटिभ देखिएपछि नगर प्रमुख थापा र उपप्रमुख अर्यालले शुभेच्छुकहरुलाई नआत्तिन आग्रह गर्नुभएको छ । उनीहरु दुवैजना होम आइसोलेशनमा रहेको सुनवल नगरपालिकाका नगर निरिक्षक दिपक तिवारीले जानकारी दिए । उहाँहरु दुवै जना होम आइसोलशमा हुनुहुन्छ– तिवारीले भन्नुभयो ।
