बर्दघाट ,,३१ भदौ : सुर्यज्योति युवा क्लब बर्दघाट–२ चिसापानीले सरोकारवालाहरुसंग बुधवार अन्तरक्रिया गरेको छ । क्लबको कार्यालयमा आयोजना गरिएको कार्यक्रममा प्रमुख अतिथि बर्दघाट–२ की वडाध्यक्ष दया दर्लामीले क्लबले गरेका कार्यहरुमा सबैको साथ आवश्यक रहेको बताउनुभयो । उहाँले चिसापानीको जग्गा संरक्षण गरि समग्र नगरकै विकासमा लगाउनुपर्ने आफ्नो धारणा रहेको बताउनुभयो । कार्यक्रममा बोल्ने बक्ताहरुले चिसापानीस्थित ढेडारीफाँटको जग्गा बहुमुल्य रहेको र यसको संरक्षणका लागि भएको प्रयासहरुमा नगरका बिभिन्न क्षेत्रबाट साथ सहयोग भएको उल्लेख गरेका थिए ।
कार्यक्रममा क्लबका पूर्व अध्यक्षहरु यमबहादुर थापा , कमल परियार, बिष्णु बस्नेत , चिसापानी सामुदायिक वन उपभोक्ता समुहका अध्यक्ष होमबहादुर गुरुंग दिब्यज्योति माविका अध्यक्ष सुबोध बुढाथोकी, क्लबका सल्लाहकार रवि पाण्डेय समाजसेवीहरु धनन्जय पौडेल , सदानन्द पाण्डे, गणेशबहादुर क्षेत्री, चन्द्रबहादुर थापा, मोहन गुरुंग, निर्वतमान अध्यक्ष शिव पाण्डे, कमल बस्याल लगायतले धारणा राख्नुभएको थियो । कार्यक्रम क्लबका अध्यक्ष रामप्रसाद भण्डारीको अध्यक्षता सचिव टेकबहादुर बुढाथोकीको संचालनमा भएको थियो ।