जिल्ला जनस्वास्थ्य कार्याल्य नवलपुरका प्रमुख केशव चापागाईका अनुसार मंगलबार पोखरा र चितवनमा गरी नवलपुरको १ सय ५ जनाको पिसिआर रिपोर्ट आएकोमा ३ जनामा कोरोना भाइरस पोजेटिभ देखिएको हो ।
चापागाईले मंगलबार कावासोती ३ का ३७ बर्षीय पुरुष, मध्यविन्दु नगरपालिका १० का १९ बर्षीक्ष् पुरुष र विनयी त्रिवेणी गाउँपालिका २ का १८ बर्षीय पुरुष गरी ३ जनामा मंगलबार कोरोना भाईरस पोजेटिभ देखिएको हो ।
संक्रमित ३ जनालाई नै उपचारका लागि रजहरमा रहेको प्राकृतिक चिकित्सालयमा लैजाने तयारी भईरहेको चापागाईले बताए ।
चापागाईका अनुसार भरतपुरको प्रशोगशालामा मंगलबार गैडाकोट नगरपालिकाका २५ जनाको पिसिआर रिपोर्ट आएकोमा उनीहरुको सबैको रिपोर्ट नेगेटिभ आएको छ ।
त्यसैगरी कावासोती नगरपालिकाको ५२ जनाको पिसिआर रिपोर्ट आउँदा १ जनामा पोजेटिभ र ५१ जनामा नेगेटिभ आएको हो ।
उता पोखरामा गरिएको परीक्षणमा मध्यविन्दु नगरपालिकाको २५ पिसिआर रिपोर्ट आउँदा २४ जनामा नेगेटिभ आएको छ भने १ जनाको पोजेटिभ आएको छ । त्यसैगरी विनयी त्रिवेणी गाउँपालिकाको ३ जनाका पिसिआर रिपोर्ट आएकामा २ जनाको नेगेटिभ आएको छ भने १ जनाको पोजेटिभ आएको चापागाईले बताए । daunnenews