नवलपरासी – शैक्षिक ऐक्यबद्धताको समुह जिशन नवलपरासीले शुक्रवार शुभकामना आदान प्रदान कार्यक्रम गरेको छ । प्रभाकर क्याटरिंग बर्दघाटको हलमा भएको कार्यक्रमको प्रमुख अतिथि बर्दघाट नगरपालिकाका नगर प्रमुख धीरज शर्मा बस्याल रहनुभएको थियो । कार्यक्रममा नगरप्रमुख बस्यालले निजी क्षेत्रका बिद्यालयले गरेका शैक्षिक योगदानको चर्चा गर्दै अझ पारदर्शी रुपमा अगाडि बढनुपर्नेमा जोड दिनुभयो । नगरप्रमुख बस्यालले सबै भन्दा छात्रबृतिमा पारदर्शी हुन संस्थागत बिद्यालयलाई आग्रह समेत गर्नुभएको थियो । नगरप्रमुख बस्यालले सरकारी लगानीको अनुपातमा सामुदायिक विद्यालयहरुको शैक्षिक प्रगति राम्रो नरहेको समेत बताउनुभयो ।
जिसन नवलपरासीका अध्यक्ष ईन्द्रबहादुर गुरुंगको अध्यक्षता सचिव डम्बर गुरुंगको संचालन उपाध्यक्ष सन्तोष रौनियारको स्वागत रहेको कार्यक्रममा ब्याब्सन केन्द्रीय सदस्य यमबहादुर थापा जिसनका सल्लाहकारहरु डिबी अधिकारी शंकरप्रसाद गौतम बरिष्ठ उपाध्यक्ष धनराज चपागाई, बिनिराम भुसाल, रामकृष्ण चापागाई ,बालाकृष्ण लम्साल, दिपक पौडेल मोहन सिं बाकाबल र पत्रकार कृष्ण ढकालले समेत सम्बोधन गर्नुभएको थियो ।