भुरिगाँउ – क्रान्तिकारी पत्रकार महासंघ प्रदेश पाँच समितिले जिल्ला भेला तथा सम्मेलनलाई तीब्रता दिने भएको छ । सो अन्तरगत प्रदेश पाँचका जिल्लाहरुमा संगठनको जिल्ला भेला सम्मेलन तथा प्रशिक्षणलाई तीब्रता दिने केन्द्रीय कोषाध्यक्ष तथा प्रदेश संयोजक रवि पाण्डेले जानकारी दिनुभयो ।
संगठन सुदृढ तथा विस्तार कार्यक्रम अन्तरगत बर्दिया जिल्ला समितिको भेला विहीवार ( १७ गते ) भुरिगाँउमा हुने भएको छ । जिल्लाका आठ वटा स्थानीय तहबाट प्रतिनिधि सहितको भेला आयोजना गरिएको जिल्ला अध्यक्ष आयुष न्यौपानेले बताउनुभयो । उहाँका अनुसार भेलाले सांगठनिक जिम्मेवार हेरफेरका साथै कमिटी समेत पुर्नगठन गर्ने कार्यक्रम रहेको छ ।
भेलाले जनपक्षीय एंव उत्तदायित्वपुर्ण पत्रकारितामा जोड दिदै बिकृति बिसंगतिका बिरुद्ध कलम चलाउन पत्रकारहरुलाई उत्साहित गर्ने न्यौपानेको भनाई छ ।
भेलालाई क्रान्तिकारी पत्रकार महासंघका केन्द्रीय कोषाध्यक्ष एंव संयोजक रवि पाण्डेय क्रान्तिकारी माओवादीका बैकल्पिक पोलिटब्युरो सदस्य संकुल जिल्ला सेक्रेटरी बिपिन र क्रान्तिकारी युवा लीगका महासचिव दिलबहादुर कठायतलगायतले सम्बोधन गर्ने कार्यक्रम रहेको बताइएको छ ।
त्यस्तै क्रान्तिकारी पत्रकार महासंघ बाँकेको भेला १८ गते हुने भएको छ । भेलाबाट नयाँ कमिटी चयन गर्ने बताइएको छ । त्यस्तै पश्चिम नवलपरासीमा जिल्ला भेला सम्पन्न भएको छ भने रुपन्देहीमा महासंघको कमिटी सक्रिय रहेको बताइएको छ ।
