पाल्पा जिल्लाको तिनाउ गाउँपालिका –५ चरचरेस्थित सिद्धार्थ राजमार्गमा जिप दुर्घटना हुँदा एक जनाकाे मृत्यु भएको र दुई जना घाइते भएका छन् ।
बिहीबार बेलुका ५ बजे बुटबलबाट रामपुरतर्फ आउँदै गरेको लु.१ च ७७८० नम्वरको डबल क्याप जिप दुर्घटना हुँदा एक जनाको ज्यान गएको छ भने दुई जना घाइते भएका हुन् ।
दुर्घटनामा रामपुर नगरपालिका ३ का ४३ वर्षीय सूर्य प्रसाद श्रेष्ठको मृत्यु भएको जिल्ला प्रहरी कार्यालय पाल्पाले जनाएको छ । श्रेष्ठको घटनास्थलमै मृत्यु भएको हो ।
दुर्घटनामा परी चालक निस्दी गाउँपालिकाका २७ वर्षीय खेमबहादुर खाम्चा र रामपुर नगरपालिका –३ का ४६ वर्षीय टुक नारायण श्रेष्ठ घाइते भएका छन् । श्रेष्ठको अवस्था गम्भीर रहेको छ भने खाम्चाको सामन्य रहेको प्रहरीले जनाएको छ । घाइते दुवै जनालाई उपचारका लागि लुम्बिनी मेडिकल कलेज प्रभास पठाइएको छ । जिप आफै अनियन्त्रित भई सडकदेखि ३ सय मिटर तल खसेको जिल्ला प्रहरी कार्यालयले जनाएको छ । setomasi