बर्दघाट – पश्चिम नवलपरासीको बर्दघाट खानेपानी तथा सरसफाइ उपभोक्ता सस्था अन्तर्गत खानेपानी सुरक्षा योजना समितिको आयोजनामा बर्दघाट–४ बर्मेलीटोलमा खानेपानी सचेतना एवं सामाग्री वितरण कार्यक्रम बुधवार सम्पन्न भएको छ ।
कार्यक्रममा बर्दघाट वडा नम्बर ४ का वडाध्यक्ष रविन्द्र बिक्रम हमालले बर्दघाट नगरमा खानेपानी संस्था अग्रणी रहेको बताउदै नमुना कामलाई निरन्तरता दिदै अगाडि बढ्न सुझाव दिनुभयो । कार्यक्रममा संस्थाका अध्यक्ष धातानन्द बस्यालले खानेपानीले सहुलियतका विभिन्नकार्यक्रम ल्याएको बताउनुभयो ।
कार्यक्रममा खानेपानी सुरक्षा योजना समिति सदस्य कृष्ण हरि पौडेलले सहजीकरण गर्नुभएको थियो । खानेपानी सुरक्षा योजना समिति सदस्य गीता शर्माको अध्यक्षता ब्यवस्थापक बिष्णु कुमार भुसालको संचालन कार्यक्रममा गोमा खनालको स्वागत रहेको कार्यक्रममा बर्मेली टोल विकास संस्थाकी अध्यक्ष लता राना शोभाकान्त कोइराला लगायतले बोल्नुभएको थियो ।