बर्दघाट १७ माघ – बर्दघाट खानेपानी तथा सरसफाई उपभोक्ता समिति अन्तरगतको खानेपानी सुरक्षा योजना टोलीको आयोजनामा सरसफाई तथा कोभिड सचेतना कार्यक्रम भएको छ ।
बर्दघाट ४ को शिवशक्ति टोलमा भएको कार्यक्रममा संस्थाले टोल विकास संस्थालाई सरसफाई कार्यक्रम प्रदान गरेको थियो ।
कार्यक्रममा संस्थाका सल्लाहकार सिद्धिविलास हमालको प्रमुख आतिथ्यता संस्थाका अध्यक्ष धातानन्द बस्याल बिशेष अतिथि रहनुभएको थियो ।
त्यस्तै संस्थाका उपाध्यक्ष एंव टोली संयोजक दिपक लम्सालले संस्थाले नयाँ नयाँ योजना ल्याएको बताउदै संस्थाले खानेपानी तथा सरसफाई क्षेत्रमा फड्को मारेको बताउनुभयो ।
कार्यक्रम उपाध्यक्ष एंव टोली संयोजक दिपक लम्सालको अध्यक्षता सचिव धनबहादुर गुरुंगको संचालनमा भएको थियो ।
कृष्णहरि पौडेलको सहजीकरण गोमा खनालको स्वागत रहेको कार्यक्रममा पत्रकार कुष्माकर ढकाल (कृष्ण) बोमलाल पाण्डे, शिवदेवी भट्टराई लगायतले बोल्नुभएको थियो ।
