नवलपरासी ८ माघ – पश्चिम नवलपरासीको बर्दघाट खानेपानी तथा सरसफाई उपभोक्ता समिति अन्तरगतको खानेपानी सुरक्षा योजना टोलीको समिक्षात्मक बैठक विहीवार सम्पन्न भएको छ ।
कार्यक्रममा बिशेष अतिथि संस्थाका अध्यक्ष धातानन्द बस्यालले शुद्ध पिउने पानीका लागि संस्था सधै तयार रहेको बताउदैं उपभोक्ता सन्तुष्टि फारमबाट उपभोक्ताहरुको धारणा प्रष्ट हुने बताउनुभयो ।
त्यस्तै संस्थाका उपाध्यक्ष एंव टोली संयोजक दिपक लम्सालले संस्थाले नयाँ नयाँ योजना ल्याएको बताउदै संस्थाले खानेपानी तथा सरसफाई क्षेत्रमा फड्को मारेको बताउनुभयो ।
कार्यक्रम उपाध्यक्ष एंव टोली संयोजक दिपक लम्सालको अध्यक्षता सचिव धनबहादुर गुरुंगको संचालनमा भएको थियो । त्यस्तै माघ १७ गते शिवशक्ति टोलमा जनचेतनामुलक कार्यक्रम गर्ने निर्णय भएको बयवस्थापक बिष्णु कुमार भुसालले जानकारी दिनुभयो ।
