बर्दघाट – ईलाका प्रहरी कार्यालय बर्दघाटको प्रमुख तथा प्रहरी निरिक्षकमा कपिल वाग्ले आउनुभएको छ । प्रहरी निरिक्षक हुम नाथ रेग्मी तालिममा सहभागी हुन भारत गएपछि उहाँको स्थानमा वाग्लेले पदभार लिनुभएको हो । वाग्ले अख्तियार दुरुपयोग अनुसन्धान आयोग टंगालमा कार्यरत हुनुहुन्थो । आयोगबाट काज सरुवा भई उहाँ बर्दघाट आउनुभएको हो । वाग्लेले ईलाका प्रहरी कार्यालयमा कार्यभार समेत सम्हालि सक्नुभएको ईलाका प्रहरी कार्यालय बर्दघाटले जनाएको छ । वाग्लेले छिट्टै स्थानीय सरोकारावलाहरुसंग भेटघाट छलफल र अन्तरक्रिया गर्ने जानकारी दिनुभयो । प्रहरी र नागरिक एकअर्काको साथी रहेकोले सबैसंग समन्वय गरेर काम गर्नै उहाँको भनाई थियो ।
