बिपी स्मृति दिवसमा रक्तदान तथा बृक्षारोपण

पप्पु रेग्मी
बर्दघाट – आज ४१ औ जननायक विश्वेश्वर प्रसाद कोइरालाको स्मृति दिवसको अवसरमा देशै भरी विविध कार्यकम सहित बर्दघाट मा पनि शनिवार रक्तदान र बृक्षारोपण कार्यक्रम गरिएको मनाईएको छ । नेपाली काँगे्रस बर्दघाट नगर समितिको आयोजना र नवलपरासी जिल्ला रक्तसञ्चार सेवा केन्द्र र रेडक्रस सोसाइटीको प्राविधिक सहयोगमा बर्दघाट ७ जिमिरेभारमा रहेको त्रिनेत्रेश्वरधामको प्राङगणमा रक्तदान तथा बृक्षारोपण कार्यक्रम गरि स्व. महामानव वी.पि. कोईरालाको ४१ औं स्मृति दिवस मनाईएको हो ।
कार्यक्रममा बोल्दै लुम्बिनी प्रदेशसभा सदस्य बिश्वप्रेम पाठकले काङ्ग्रेस वी.पि.को बिचार र सिद्धान्तमा अडिग भएर हिड्नु पर्ने बताउदै, कोईरालाले गरेका नेपाली राजनीतिक ईतिहासमा राष्ट्रका लागि वी.पि. पुर्याएको अतुलनीय योगदानको बारेमा लुम्बिनी प्रदेशसभा सदस्य पाठकले बताउनुभयो ।
कार्यक्रममा नेपाली काङ्ग्रेसका नगर सभापति दामोदर जि.सी.ले कोईरालालाई सम्झिनु मात्रै नभएर उहाँको विचारलाई आत्मसाथ गर्दै सबै वी.पि.का अनुयायीहरुले सामाजिक रुपान्तरणका लागि आ–आफ्नो क्षेत्रबाट योगदान गर्न सकिने उल्लेख गर्दै, जिल्लामा रगतको अभाव खडकिन नदिन रक्तदान कार्यक्रमको आयोजना गरिएको सभापति जि.सी.ले बताउनुभयो ।
कार्यक्रममा नगरप्रमुख शम्भुलाल श्रेष्ठ , महिला संघ केन्द्रिय सदस्य कमला पराजुली, बर्दघाट नगर पालिकाका प्रवक्ता सन्तु गाहा, तरुणदल सभापति सुक बहादुर गुरुङ, क्षेत्रिय सभापति मुकुल आचार्य तथा नेपाली काङ्ग्रेसका नेता तथा कार्यकर्ता लगायतले बोल्नुभएको थियो ।
कार्यक्रममा ४१ औँ वि.पि. स्मृति दिवसको अवसरमा ४१ जनाले रक्तदान गरेका थिए । कार्यक्रम पछि त्रिनेत्रेश्वरधामको मन्दिर परिसरमा बृक्षारोपण समेत गरिएको थियो ।