बर्दघाट – बर्दघाट–२ मा रहेको चिसापानी सामुदायिक वन उपभोक्ता समुहद्वारा संचालित बन्यजन्तु उद्धार केन्द्रमा घाइते जरायोको उपचार भइरहेको छ । उद्धार केन्द्रले मानव बस्तीमा फेला परेका बिभिन्न बन्यजन्तुहरुको उद्धार गरेर संरक्षण समेत गर्दै आएको हो ।
समुहका अध्यक्ष होमबहादुर गुरुङ्गका अनुसार उक्त जरायो जिल्लाको सीमावर्ती क्षेत्र बाट स्थानीय बासिन्दाले समातेर उद्धार केन्द्रमा ल्याइएको थियो ।
साथै उक्त उद्धार केन्द्रमा हाल २ वटा निलगाई , १ मृग र १ जरायो रहेका छन् । घाइते जरायोको खुट्टा भाँचिएको छ ।
घाइते जरायोको बर्दघाट नगरपालिका पशुपन्छी तथा मत्स्य विकास शाखाले उपचार गरिरहेको समुहले जनाएको छ । यस बन समुहले वन संरक्षण मात्र नभई बन्यजन्तु संरक्षण तथा बिभिन्न जिविकोपार्जनका कार्यक्रम गर्दै आएको छ ।