रवि पाण्डेय
बर्दघाट – बर्दघाट बजार विकास समितिले फोहोर फाल्दै आएको स्थलमा फोहोर छुट्टयाउने कार्य भईरहेको छ । उक्त कार्य प्रति चाँसो ब्यक्त गर्दै बर्दघाट नगरपालिकाका उपप्रमुख रुद्र प्रकाश उपाध्यायले उक्त स्थलको शनिवार अवलोकन तथा निरीक्षण गर्नुभएको छ ।
बिगत देखि फोहोर फाल्दै आएको ठाँउमा पुगेर सड्ने र नसड्ने फोहोर छुट्टाउने कार्य भए/नभएको बारे उपप्रमुख उपाध्यायले निरीक्षण गर्नुभएको हो । उहाँले अल्पकालीन ब्यवस्थापन र दीर्घकालीन ब्यवस्थापनको दुईवटा कामलाई समानान्तर रुपले लैजाने योजना सहित काम भइरहेको जानकारी गराउनुभयो ।
बर्दघाट–४ चुरे वन क्षेत्रमा रहेको उक्त फोहोर ब्यवस्थापनमा नगरले चाँसो लिएको हो ।