विगतदेखि सडकमा छाडिएका जनावरहरुको उद्धार कार्य गर्दै आइरहेको ‘आइ केयर यू’लाई सहयोग गरिएको छ। डडेल्धुराको भागेश्वर गाउँपालिकाका घर भइ हाल वैदेशिक रोजगारीका लागि कुवेतमा रहेका चन्द्रकान्त नाथ योगीले आफ्नी छोरीको जन्मदिनको अवसरमा सहयोग गरेका छन्।
उनले धनगढी बस्दै आएकी छोरी पुष्पान्जली नाथको आठौं जन्मदिनको अवसरमा १३ हजार ४ सय २६ रुपैयाँ आइ केयर यूलाई सहयोग गरेका हुन्। कञ्चनपुरमा सञ्चालित आइ केयर यूका संयोजक विष्णु पनेरुलाई पुष्पान्जलीकी आमा सरिताले नाथले रकम हस्तान्तरण गरेकी थिइन्।
चन्द्रकान्तले काठमाडौंमा बालेन शाह जति मतान्तरले विजयी हुन्छन्, त्यति नै रकम पशुचौपायाको खानाका लागि खर्च गर्ने बताएका हुन्। बालेन शाह २३४२६ मतान्तरले जितेपछि उनले १३ हजार ४ सय २६ रुपैयाँ आइकेयर यूलाई र बाँकी १० हजार डडेल्धुराका एक विपन्न दलित परिवारलाई सहयोग गर्ने बताएका छन्।
आइ केयर यूले कञ्चनपुरमा विगत केही समयदेखि सडकमा छाडिएका चौपायाको व्यवस्थापन तथा उपचारको अभियान थालेको छ। उनीहरु चोटपटक लागेका चौपायाको उद्धार मात्रै गर्दैनन् भोका जनावरलाई खाना खुवाउने काम समेत गर्छन्। dineshkhabar