नवलपरासी – नेकपा(बहुमत)जिल्ला समिति पश्चिम नवलपरासीको संयोजक तोकिएको छ । लुम्बिनी ब्युरोको जेठ २१ गते बुटवलमा सम्पन्न बैठकबाट बिजयलाई जिल्ला संयोजक बनाइएको हो ।
पार्टी पूर्नगठन अभियानलाई तीब्रता दिने कार्य अनुसार संयोजक तोकिएको उक्त पार्टी स्रोतले जनाएको छ । पार्टीले ब्युरो स्तरीय प्रशिक्षण समेत सम्पन्न गरेको बताइएको छ ।
त्यस्तै मंगलवार जिल्ला संयोजक बिजयको समर्थनमा ४ वटा जनवर्गीय संगठनले प्रेस बिज्ञप्ति समेत जारी गरेका छन् ।
जिल्लामा क्रियाशिल युवा संगठन नेपाल , अखिल (क्रान्तिकारी) अनेमसंघ (क्रान्तिकारी) र नागरिक समाज पश्चिम नवलपरासीले संयुक्त बिज्ञप्ति जारी गरेर विप्लव नेकपाबाट बिद्रोह गरेर नेकपा(बहुमत)लाई सर्मथन जनाएका छन् ।
युवा संगठनका संयोजक कृष्ण गिरी , अखिल(क्रान्तिकारी)का संयोजक सन्देश सापकोटा , अनेमसंघ(क्रान्तिकारी) संयोजक हरिकला चौधरी र नागरिक समाज जिल्ला संयोजक गणेश बहादुर ढकालले जारी गर्नुभएको बिज्ञप्तिमा विप्लव नेकपा निशेषात्मक अधिभुतवादी र सारसंग्रहवादी तथा दक्षिणपन्थी संसोधनवादमा फसेकोले बिद्रोह गर्नुपरेको जनाइएको छ ।
