स्थानीय तहको निर्वाचन आउन अब ७ दिन बाँकी छ । रुपन्देहीको सैनामैना नगरपालिका पनि चुनावी माहोलले तातेको छ । यहि वैशाख ३० गते हुने स्थानीय तहको निर्वाचनका लागि विभिन्न राजनितिक दलका तथा स्वतन्त्र उम्मेदवारहरुले आफ्नो उम्मेदवारी दर्ता गराएसँगै घरदैलो अभियानमा तिव्र जुटेका छन् । जसअन्तर्गत सैनामैनाको वडा नं. ४ मा नेकपा एमालेको तर्फबाट पिताम्बर न्यौपाने ( धर्म ) र संयुक्त गगठबन्धनसँग प्रतिस्पर्धामा हुनुहुन्छ । गत स्थानीय तहको निर्वाचनमा नेपाली कांग्रेसले प्यानल सहित यो वडामा विजयी हासिल गरेको थियो ।
सैनामैना नगरपालिका वडा नं. ४ को विकास र समृद्धिको लािग के कस्ता योजना र प्रतिबद्धता छन् ? यहाँको उम्मेदवारी किन भन्ने लगायतका विषयमा गरिएको संक्षिप्त कुराकानी :
सैनामैना नगरपालिका वडा नं ४ को अध्यक्षको उम्मेदवार हुनुभएको छ , तपाईको उम्मेदवारी किन ?
धन्यवाद, सैनामैना नगरपालिका वडा नं. ४ नगरकै ठुलो र धेरै जनसख्याँ भएको वडा मध्ये पर्दछ । आदिवासी थारु समुदायको ऐतिहासिक गाँउहरु एवँ सम्पूर्ण समुदायको मिश्रीत बसोवास रहेको यो वडा कृषिजन्य उत्पादनका लागि उर्वर भूमी भएको वडा पनि हो । लुम्बिनी सँगको सडक सञ्जाल यही वडा भएर जाने गर्दछ,यसबाट पर्यटनका लागि पनि प्रचुर सम्भावना बोकेको छ ।
बहुदलिय ब्यवस्थाको सुरुवात सँगै यस वडाबाट ठुला पार्टीहरु धेरै चर्चित अनुहारहरु राजनितिक पद र सेवाका पदमा पुग्न सफल भए तर उनिहरुबाट वडा नं. ४ को विकासको लागि प्रतिफलमुलक विकास हुन सकेन ।
ने.क.पा एमालेले अधिल्लो निर्वाचनमा झिनो मतान्तरले यस वडामा हार ब्यहोरेको थियो तर पनि हामीले पार्टी सरकारमा रहेको बेला माथिल्लो पक्तिसँग कुरा गरेर स्टेडियम,लुम्बिनी जोडने सडक कालोपत्रे,यहाँ रहेका विद्यालयहरुमा योजना, आधुनिक अस्पतालको निर्माण जस्ता योजनाहरु अगाडी सार्यो । जनताले अव बुझेका छन् कि एमालेले जितेको स्थानमा विकास कति हुन सक्छ भनेर ।
यसपटक मेरो उम्मेदवारी जनतालाई ठुला सपना बाँडनका लागि होईन कि जनताका घरदैलोमा रहेका न्यूनतम आवाश्यकताहरुको परिपूर्ति गर्न तथा कृषि,शिक्षा,स्वास्थ्य,पर्यटन,सामाजिक एवँ साँस्कृतिक लगायत समुन्नत स्तर उकास्नका लागि हो ।
सैनामैना ४ को विकासका लागि तपाईका प्रतिबद्धता कस्ता छन ?
यस वडामा अघिल्लो निर्वाचनमा झिनो मतले विजयी हाँसिल गर्न सकेनौँे । जुन पार्टी आए पनि जनतालाई भारि मात्र हो भन्ने खालको जनतामा निराशा रहेको छ । हामि यो निराशालाई चिर्दै आशाको ज्योति बाल्ने कार्यहरु गर्न गईरहेका छौँ ।
सबै कुराहरु प्रतिबद्धता पत्रमा उल्लेख गर्न पनि सम्भव भएनन होला तर, हाम्रो मुख्य एजेन्डा भनेको वडा नं. चार मा कोरिन नसकेको विकासको योजनाबद्ध खाँका कोर्ने एवं त्यसलाई पूर्णता दिने , पाँच वर्षमा मापदण्ड पुगेका बाटालाई कालोपत्रे सम्पन्न गर्ने र मापदण्ड नपुगेका भित्रि बाटाहरुलाई जनतालाई अप्ठ्यारो नपर्ने गरि विस्तारै मापदण्डमा ल्याएर ग्राभेल तथा स्तरोन्नत गर्ने , सैनामैना ४ कृषिमूलक वडा भएकोले यहाँका किसानहरुलाई ब्यवसायिक बनाएर कृषिमा आत्मनिर्भताको बाटो पहिल्याउन मद्धत गर्ने , जेष्ठ नागरिक,महिला तथा वालमैत्री स्थानिय सुसासन कायम गर्ने , स्वास्थ्यको क्षेत्रमा मेरो वडा स्वास्थ्य वडा को कार्यक्रममार्फत समयसमयमा निःशुल्क स्वास्थ्य सिविर एवं वडाका प्रत्येक टोलका नागरिकलाई स्वास्थ्य जिवनशैली सम्बन्धी कार्यक्रममा सहभागी गराउने , शिक्षामा पहुँच र समानता ल्याउने , पाँच वर्षभित्र यस वडाका सम्पूर्ण स्थानमा स्वच्छ खानेपानी,विद्युत लाईनको विस्तार,ईन्टरनेट नपुगेका स्थानमा सेवा प्रदायक सँग समन्वय गर्दै ईन्टनरनेटको विस्तार गरि अनलाईनमार्फत अध्यन गर्ने विद्यार्थीहरुका लागि सहजता प्रदान गर्ने लगयतका योजनाहरु संक्षेपमा रहेका छन् ।
विस्तृतमा भन्नुपर्दा सैनामैना वडा नं.४ मा कछुवाको गतिमा रहेको विकासलाई फराकिलो बनाउँदै जनताको जिवनस्तर माथि पुर्याउने गरि प्रतिफलमुलक काम गर्ने हाम्रा योजना रहेका छन् । नगर,प्रदेस,संघ सँग समन्वय गरि ठुला तथा रोजगारमुलक योजनाहरु यस वडामा ल्याउने मेरो योजना छ ।
जनतालाई मेरो वडाअध्यक्ष वा हाम्रो सरकार भन्ने महसुस गराउन सक्नुहुन्छ त ?
अवश्य पनि, निर्वाचनका वेला एउटा न एउटा दलबाट उम्मेदवारी दिनु स्वभाविक प्रक्रिया हो । तर मैले प्रतिबद्धता पत्रमा भनिसकेको छु कि म मतकोे मात्र होईन मनको प्रतिनिधि हुन चाहान्छु । म चुनाव जितेपछि कुनै पक्ष प्रतिपक्ष भनेर हेला वा काखि च्याप्ने काम पक्कै पनि गर्दिन यो मेरो वाचा पनि हो । यो मेरो दलको होईन वा यसले त मलाई भोट दिएन भनेर पुर्वाग्रह राखेर विकास नगर्ने मेरो धर्म पनि होईन र म बाट यस किसिमका गलत अभ्यासहरु हुँदैनन ।
जनताको सुख दुःखमा साथ दिने सँकल्प हृदयको अन्तस्करणबाट लिएको छु । यथार्थमा म र मेरो टिमले सच्चा जनप्रतिनीधिको भूमिका निभाउँदै बजेटको सहि सदुपयोग एवम् परिचालन गर्न सके भने तथा ठुला योजनाहरु ल्याउन सके भने सैनामैना नगरपालिका ४ भौगोलिक सुगमता भएको क्षेत्र रहेकाले पाँच वर्षमा आमुल परिवर्तन गर्न सम्भव छ भन्ने लाग्छ ।
अघिल्लो निर्वाचनमा नेपाली काँग्रेसको जनप्रतिनिधि यस वडामा निर्वाचित भएका थिए र यस वडालाई काँग्रेसले आफ्नो गढको रुपमा लिन्छ , यस अवस्थामा तपाईले जित हाँसिल गर्न सक्ने आधार के छ त ?
पहिलो कुरा त अघिल्लो निर्वाचनमा हामीले त्यति धेरै मतान्तरले हार ब्यहोरेका थिएनौँ ,केही प्राविधिक ब्यवस्थापनको अभावले जनतामा योजनाहरु नपुगेको कारण मत कम आएको थियो । अर्को कुरा मनबाटै निष्ठाले भन्ने हो भने वास्तवमा राजनीतिमा कुनै स्थान कुनै पार्टीको गढ भन्ने हुँनुहुँदैन । जिते पनि झिनो मतले जितोस,उसलाई डर लागोस कि राम्रो काम नगरे अर्को निर्वाचनमा हामिले जितिदैन भन्ने ।
अहिले हामी जनतासँग साक्षात्कार गरिरहँदा हामीप्रति जनताको ठुलो आशा छ किनभने एक त हामीले नजितेपनि यस वडामा ठुला योजनाहरु ल्यायौँ अर्को कुरा नेकपा एमालेले जितेका अन्य वडाको विकासको तुलनामा यो वडाको विकास हुन सकेन । यी विविध कारण जनताहरु हामिप्रति उदार छन् र यसपटकको चुनावमा नेकपा एमालेको तर्फबाट पिताम्बर न्यौपाने धर्मको टिम र टिमलाई विजयी गराउनुहुनेछ भन्नेमा विश्वस्त छु । सँगै वडालाई समृद्ध बनाउने तर्फ सधै लागिरहने प्रतिबद्धता पनि व्यक्त गर्दछु । Malmala fm