काठमाडौं । अभिनेत्री केकी अधिकारीले आफ्नो एउटा चलचित्रको लागि कपाल मुन्डन गरेकी थिईन् । मुन्डनकै क्रममा उनलाई अर्को चलचित्रबाट पनि प्रस्तवा आयो । कोरोनाको महामारीले लामो समय बन्द भएर खुलेको चलचित्र उधोगमा फिल्म पाउन गाह्रो थियो । फिल्ममा राम्रै पारिश्रमिक आउने भएपछि उनले सो फिल्म खेल्ने बताईन् ।
त्यसपछि अभिनेत्री केकी अधिकारीले हास्यप्रधान चलचित्र ‘सिल्ली फो’मा नक्कली कपाल लगाएरै काम गरिन् । अब यो चलचित्र दर्शकमाझ आउने भएको छ । यो चलचित्र आगामी ३१ असारमा रिलिज हुने भएको छ । फिल्म हास्य प्रधान र रमाईलो भएकाले आफुले यसमा काम गरेको केकीले बताएकी छिन् । भरखरै कपाल पलाउँदै गर्दाको अबस्थामा उनले नक्कली कपाल लगाएर सिल्ली बन्दै यसको सम्पूर्ण छायाँकन सम्पन्न गरेकी हुन् ।
यो फिल्मलाई राजबहादुर सानेले निर्देशन गरेका हुन् । यो चलचित्रको रिलिज मिति घोषणासँगै फिल्मको फस्ट लुक्स (पोष्टर) सार्वजनिक गरिएको छ । यो चलचित्रमा केकी अधिकारीसँगै धीरेन शाक्य, रवीन्द्र झा, राजाराम पौडेलको मुख्य भूमिका रहेको छ । सिल्ली फोमा दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल(मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट(सागर), सौजन बोहोरा, जयमन बिश्वकर्माको पनि अभिनय रहेको छ ।
यो चलचित्रलाई दिव्य सुवेदी, वीरेन्द्र परियार, नरेन्द्र आलेले छायाँकन गरेका हुन् । जसमा देव महर्जनको द्वन्द्व निर्देशन, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन रहेको छ । यो चलचित्रलाई मनोज डिकेले निर्माण र विशाल श्रेष्ठ सह—निर्माण गरेका हुन् । यो चलचित्रलाई श्रीराम बालाजी फिल्मसले वितरण गर्ने भएको छ । rajdhanidaily