बर्दघाट : पश्चिम नवलपरासीको होलिकेयर सेकेण्डरी स्कुल बर्दघाट ५ पाल्डाडाको कक्षा ९ का विद्यार्थीहरुको आयोजनामा कक्षा १० का विद्यार्थीहरुलाई एक कार्यक्रमका बीच विदाइ तथा सम्मान गरिएको छ । कक्षा ९ का विद्यार्थी राजन पोखरेलको अध्यक्षता तथा प्याब्सन केन्द्रिय सह कोषाध्यक्ष यम बहादुर थापाको प्रमुख आतिथ्यतामा सम्पन्न भएको कार्यक्रममा बोल्दै प्रमुख अतिथि थापाले विद्यार्थीहरुले आफ्ना अग्रज छात्र छात्राहरुलाई सम्मान तथा विदाई गर्नु राम्रो पक्ष भएको बताउदै विदाई भएर जाने विद्यार्थीहरुलाई सफलताको शुभकामना सहित आयोजक विद्यार्थीहरुलाई धन्यवाद ज्ञापन गर्नुभएको थियो । सो अवसरमा विद्यालयका प्रअ ईन्द्र बहादुर गुरुंग, सहायक प्रअ तिर्थ सापकोटा, विद्यालय समयोजक युवराज सापकोटा, विद्यालय ब्यवस्थापन समिति अध्यक्ष उत्तमध्वज केसी, जिसन सल्लाहकार भगवन्त प्रसाद धवल, सम्मानित विद्यार्थीको तर्फबाट कक्षा १० का शिशिर जिसि, कुशुम पाण्डे, कान्तिका गु्रुंग लगाएतले मन्तब्य राख्नुभएको थियो । कार्यक्रममा विद्यार्थीहरुद्धारा सांगितिक कार्यक्रम समेत प्रस्तुत गरिएको थियो भने कक्षा ९ का विद्यार्थीले कक्षा १० का विद्यार्थीहरुलाई खादा ओढाई मायाको चिनोे सहित विदाई गरेका थिए । कक्ष ९ का विद्यार्थी लक्षमण घर्ती मगरको स्वागत मन्तब्य रहेको कार्यक्रमको सञ्चालन कक्षा ९ का छात्र छात्रा कुशुम कण्डेल र कमल पोखरेलले सयुक्त रुपमा गर्नुभएको थियो ।
