बालाजुमा मिनि बसको ठक्करबाट १८ वर्षीय तामाङ सहित २ जनाको मृत्यु

काठमाडौं । काठमाडौंको बालाजुमा मिनिबसको ठक्करबाट दुई जना पैदल यात्रुको मृत्यु भएको छ ।

बालाजु प्रहरी वित्तका अनुसार आज बिहान करिब ६ बजेतिर बसले किच्दा दुईजनाको मृत्यु भएको जनाइएको छ ।   मृत्यु हुनेमा रसुवा घर भएका १८ वर्षीय विकास तामाङ र नाम नखुलेकी करिब ५० वर्षीया महिला रहेको प्रहरीले जनाएको छ ।

बालाजुस्थित गंगा हल अगाडि बाटो काट्ने क्रममा बसले ठक्कर दिएको थियो । बसको नम्बर खुल्न सकेको छैन ।

उनीहरूलाई ठक्कर दिएर बससहित चालक फरार भएको र खोजी भइरहेको प्रहरीले जनाएको छ!khabardabali