आज दर्जन बढी एमाले सांसदले बोले, कसले के भने?

By स्थानीय पत्र Last updated Feb 14, 2022

यस्तै नेता भिम रावलले संसदमा टेबल हुन लागेको एमसिसीलाई पार्टीले विरोध गर्ने र पास हुन नदिने गरि रणनीति बनाउन सुझाव दिए।यस्तै खगराज अधिकारी, महेश बस्नेत, गोकुल बाँस्कोटाले सत्तारूढ गठबन्धनले प्रधानन्यायाधीशमाथि महाअभियोग लगाएपछि आफूहरूले पनि काउन्टरमा अन्य न्यायाधीशमाथि महाअभियोग लगाउनुपर्ने बताए।

यस्तै नेता कृष्णभक्त पोखरेल र लालबाबु पण्डितले पार्टी काउन्टरमा जान नहुने विचार राखे।नेता झपट रावलले आसन्न चुनावलाई मध्यनजर गरेर पार्टीले एमसिसी र

प्रधानन्यायाधीश जबरा दुबैलाई बोकेर हिड्न नहुने धारणा राखे।

यस्तै सांसद मना केसीले नेतृत्वले सोचविचार गरेर निर्णय लिन सुझाइन्। अर्का नेता राजबहादुर बुढाले बदलाको भावनामा काउन्टरमा जान नहुने बताए।

बिमला पौडेलले एमसिसीको विपक्षमा ८० प्रतिशत जनता रहेको भन्दै जनताकै पक्षमा पार्टी जानुपर्ने सुझाइन्।

कांग्रेस, माओवादी केन्द्र र नेकपा (एकीकृत समाजवादी)का सांसदले आइतबार प्रधानन्यायाधीश जबराविरूद्ध संसद सचिवालयमा महाअभियोग प्रस्ताव दर्ता गरेका छन्।महाअभियोग दर्ता भएसँगै एमालेले आन्तरित छलफललाई तिब्रता दिएको छ।

जबराविरूद्धको महाअभियोगको प्रस्ताव अदालतलाई अस्थिर बनाउन, निर्वाचन सार्न र एमसिसी पारित गर्ने तीन कारणले आएको भन्दै अध्यक्ष केपी शर्मा ओलीले यसको प्रतिवाद गर्नुपर्ने बताएका छन्।

‘महाअभियोगको प्रस्ताव जुन बेला आएको छ। त्यसलाई हेर्दा तीन कारण देखिन्छन्ओलीको

भनाइ उद्धृत गर्दै एमालेका प्रमुख सचेतक विशाल भट्टराईले भने, ‘अदालतलाई अस्थिर बनाउने रहने, निर्वाचन सार्ने र एमसिसी पारित गर्ने तीन कारण देखिएका छन्। यसको एमालेले प्रतिवाद गर्नुपर्छ।’यद्यपि प्रधानन्यायाधीश जबरालाई जोगाउनुपर्छ भन्ने एमालेको धारणा नभएको प्रमुख सचेतक भट्टराईको भनाइ छ!setopati