बर्दघाट नगरपालिका कार्यालय आ.व. ०७८÷ ०७९ पशुपंछी विकास तर्फको स्विकृत दुध संकलन केन्द्र विस्तार कार्यक्रम सम्पन्न भएको छ । स्विकृत कार्यक्रम लक्ष्य अनुसार कार्यालय वाट बर्दघाट नगरपालिका वडा न. १४ चौपत्ता अवस्थित चन्द्रोदय बहुउदेश्यीय सहकारी संस्था लि. लाई दुध संकलनका लागि आवश्यक उपकरणहरु उपलव्ध गराएको हो । कार्यालय बाट हस्तान्तरण गरिएको सामाग्रीको प्रयोग गरि संस्थाले बर्दघाट नगरपालिका वडा न. १३ धनेवामा दुध संकलन केन्द्र स्थापना गरि संचालनमा ल्याएको छ । कार्यालय वाट दुध संकलनका लागि आवश्यक उपकरणहरुः मिल्क एनालाईजर सेट १ थान र एल्मुनियम मिल्क क्यान ११ थान हस्तान्त्रण गरिएको थियो । दुध संकलन केन्द्रको उद्घाटन तथा सामाग्री हस्तान्तरण नगर प्रमुख धीरज शर्मा बस्यालले गर्नुभएको थियो । कार्यक्रमको लागत चार लाख र कार्यक्रम वाट त्यहाँका करिव एक सय कृषक उद्यमीहरु प्रत्यक्ष रुपमा लाभान्वित हुने देखिन्छ । कार्यक्रमले कृषकहरुलाई उत्पादन भएको दुध बिक्री वितरण गर्न निकै सहयोग पुगेको कृषकहरुले बताएका छन् ।
