बर्दघाट २३ मंसिर : बर्दघाट नगरपालिका नगर प्रमुख धीरज शर्मा बस्यालले कृषि क्षेत्रको विकास विना समृद्धि सम्भव नहुने उल्लेख गर्नुभएको छ । विहीवार साना किसान कृषि सहकारी सस्था माकरको २४ औ साधारणसभा उद्घाटनमा बोल्दै उहाँले कृषि क्षेत्रको विकासका लागि नगरले सहकारी क्षेत्र सङ्ग सहकार्य गर्न चाहेको बताउनुभयो ।
सहकारीले आफ्नो विनियम अनुसार काम गर्नुपर्ने चर्चा गर्दै साना साना वचत संकलन गरेर उत्पादनमा लगाउनुपर्ने उहाँको जोड थियो । फरक प्रंसगमा बस्यालले नगर समृद्ध बनाउन आफूहरु लागि परेको दावी गर्दै दुध र अण्डा उत्पादनमा नगरले फड्को मारेको बताउनुभयो ।
कार्यक्रममा बर्दघाट–४ का वडाध्यक्ष रविन्द्र बिक्रम हमालले सहकारीले नाफा मात्र कमाउन नहुने बताउदै कृषि सहकारीले ऋण र वचतका मात्र काम गर्न नहुने बताउनुभयो ।
कार्यक्रममा साना किसान लघु बितीय संस्था बुटवलका ईलाका प्रबन्धक गणेश भट्टराई , बर्दघाट–२ की वडाध्यक्ष दया दर्लामी, दाउन्नेदेवी महिला बहुउद्धेश्शीय सहकारी संस्थाकी अध्यक्ष देवी पौडेल राष्ट्रिय सहकारी बैक बर्दघाट प्रबन्धक सविना पोखरेल कृषि सहकारी संघका उपाध्यक्ष पशुपति न्यौपानेलगायतले मन्तब्य राख्नुभएको थियो ।
कार्यक्रम संस्थाका अध्यक्ष सन्दीप सापकोटाको अध्यक्षता उपाध्यक्ष मधु रायमाझीको स्वागत र सुजन भुसालको संचालनमा भएको थियो ।
सभाले बिगतको समिक्षा गर्दै आगामी योजना समेत पारित गरेको जनाइएको छ ।