उमेश बि.क /११ असार
पश्चिम नवलपरासीको बर्दघाट नगरपालिका १ माकर (जिमिरेभार) मा नेपाल औषधि व्यावसायी संघको ४८ औं स्थापना दिवसकाे अवसरमा ब्याडमिन्टन प्रतियोगिता सम्पन्न भएको छ।
नेपाल औषधि व्यावसायी संघको जिल्ला अध्यक्ष रामचन्द्र पौडेलको अध्यक्षता तथा जिल्ला ब्याडमिन्टन संघका अध्यक्ष होमनाथ भण्डारीको प्रमुख आतिथ्यता एवं संघका कोषअध्यक्ष राजकुमार चौधरीको संयोजकत्वमा र संघका सचिब बाबुराम तिमिल्सिनाको सन्चालनमा सम्पन्न प्रतियोगितामा जिल्ला शाखाका पदाधिकारी, सल्लाहकार एबं सदस्यहरुको सहभागितामा रहेको थियोे ।
स्वास्थ्यका लागि खेल रास्ट्रका लागि खेल भन्ने उद्देश्यका साथ संचालित मैत्रीपुर्ण ब्याडमिन्टन खेलमा जिल्लाभरिका २६ टिमको सहभागिता रहेको थियो ।
प्रतियोगितामा रामग्राम रानिपाकडको टीम प्रथम ,बर्दघाटको टीम दोस्रो र बर्दघाटकै टीम तेस्रो स्थान हासिल गरेको हाे।
प्रतियोगितामा विजयी टिमलाई क्रमश प्रथम १० हजार ,दोस्रो हुनेलाई ५ हजार र तेस्रो हुनेलाई ३ हजार साथमा प्रमाणपत्र, शिल्ड ,मेडल पुरस्कार प्रदान गरिएको हाे ।