पश्चिम नवलपरासीमा आइतबार एकैदिन एक सय एक जनामा कोरोना पुष्टि भयो । जिल्लामा पिसिआर परिक्षणबाट ७४ र ऐन्टिजेन परिक्षणबाट २७ जनामा संक्रमण पुष्टि भएको छ । जसमध्य ५४ जना पुरुष र ४७ जना महिला रहेका छन् । आइतबार सबैभन्दा धेरै सुनवल नगरपालिकामा ४५ जना संक्रमित थपिएका छन् ।
सुनवलमा महिला २६ र पुरुष १९ जना संक्रमित थपिएका हुन् । यस्तै रामग्राम नगरपालिकामा ३० जनामा संक्रमण भएको छ । जसमध्य पुरुष १९ जना र महिला ११ जना छन् ।
बर्दघाट नगरपालिकामा १५ जनामा कोरोना देखिएको छ । बर्दघाटमा पुरुष ११ र महिला ४ जनामा कोरोना देखिएको हो । यसैगरि प्रतापपुर गाउँपालिकामा ९ जना संक्रमित थपिएका छन् । जसमध्य पुरुष ४ जना र महिला ५ जना छन् ।
आइतबार थपिएकासँगै जिल्लामा कोरोना संक्रमितको संङ्ख्या १९ सय १८ पुगेको छ । अब जिल्ला भित्र ४ सय २९ जना सक्रिय सक्रमित रहेका छन् । जिल्लाबाट स्वाव संकलनगरि पठाएको मध्य अझै ७० जनाको पिसिआर रिपोर्ट आउँन बाँकि रहेको स्वास्थ्य कार्यालयले जनाएको छ । हालसम्म पश्चिम नवलपरासीमा ४७ जना कोरोना संक्रमितको मृत्यु भएको छ ।
Radio parasi