बुद्धि भुजेल चिसापानी – पश्चिम नवलपरासीको बर्दघाट २ चिसापानीमा रहेको गाउँ डेरीको आयोजना एंव नमुना युवा कल्वको सहकार्यमा सम्पन्न बिबिध खेल तथा चिठ्ठा कार्यक्रममा बोका बम्पर उपहार प्रदान गरिएको छ ।
उक्त कार्यक्रममा केरावारीका भोला चौधरीले ३० किलोको बोका चिसापानी बल्क नं ४ कै २० किलोका बोका र बर्दघाट ४ लक्ष्मीनगरका गुनाखर पाण्डेले १५ किलो बोका उपहार पाउनुभएको छ । उहाँहरुले प्रथम द्धितीय र तृतीय उपहार पाउनुभएको हो । दशैको अवसरमा आयोजित कार्यक्रममा खेलकुदका बिजेताहरुलाई समेत पुरस्कृत गरिएको थियो । कार्यक्रम बंमबहादुर गुरुंगको अध्यक्षतामा भएको थियो ।