बर्दघाट ११ फागुन : नवलपरासीको बर्दघाटमा रहेको साना किसान कृषि सहकारी संस्था लिमिटेड बर्दघाटले आर्थिक सम्वृद्धिका लागि सहभागितात्मक कृषि कार्यक्रम सम्वन्धि एक दिने कार्यशाला गोष्ठीमा सम्पन्न गरेको छ । कार्यक्रममा बर्दघाट नगरपालिकाका प्रमुख धीरज शर्मा बस्याल प्रमुख अतिथि रहनुभएको थियो । कार्यक्रममा नगरप्रमुख बस्यालले नगरले कषिका बिभिन्न पकेट क्षेत्रको पहिचान गर्दै कार्यक्रम तय गरेको दावी गर्नुभयो । संस्थाका अध्यक्ष पशुपति न्यौपानेको अध्यक्षतामा भएको गोष्ठीमा वडा नं ५ का वडाध्यक्ष रेश्मीराज भट्टराई ७ का वडाध्यक्ष धु्रव थारु लगायत साना किसानको कार्यक्षेत्र भित्रका सरोकारवालाहरुको सहभागिता रहेको थियो । कार्यक्रममा राजन गैरे र रोशन सुवेदीले सहजीकरण गर्नुभएको थियो ।
