बर्दघाट फागुन ९ – पश्चिम नवलपरासीको ईलाका प्रहरी कार्यालय बर्दघाटले विहीवार एक लाख अठ्ठाईस हजार चार सय साठ्ठी बराबरको कपडा बरामद गरेको जनाएको छ । ईलाका प्रहरी कार्यालय बर्दघाट बाट गस्तीमा खटिएको टोलीले बर्दघाट २ चिसापानी पूर्व पश्चिम राजमार्गको किनारमा बाट बेवारिसे अवस्थामा कपडा फेला पारेको हो । तर कपडा फेला पारेपनि तस्कर भने प्रहरीले फेला पारेन । प्रहरीले फेला पारेको कपडामा चुन्नी ५७ थान, कुर्ता सुरुवाल ५३ थान, थान कपडा ५३० मिटर, तौलिया ३० पिस, कटनको थान कपडा १४४ मिटर सटको कपडा ५ थान सुटको कपडा ४४८ मिटर, तन्ना ६ वटा र साडि ५७ वटा रहेको जिल्ला प्रहरी कार्यालय पश्चिम नवलपरासीका सुचना अधिकृत तथा प्रहरी नायव उपरिक्षक विरेन्द्र थापाले जानकारी दिनुभयो ।
