रवि पाण्डे नवलपरासी २४ माघ : क्रान्तिकारी युवा लीग जिल्ला समिति पश्चिम नवलपरासीले जनयुद्ध दिवसको अवसरमा फागुन १ गते रातो मार्च पास गर्ने भएको छ । नेकपा क्रान्तिकारी माओवादीनिकट सहायक संगठन क्रान्तिकारी युवा लीगले पश्चिम नवलपरासीको बर्दघाटमा रातो मार्च पास गर्ने भएको हो । मार्चपासका लागि आन्तरिक भेला बैठकका साथै प्रचारात्मक कार्य शुरु गरिएको लीगका जिल्ला संयोजक पुर्ण प्रसाद पोखरेलले जानकारी दिनुभयो । मार्चपासको तयारी स्वरुप बिहीवार बर्दघाट ४ मर्चाघोलामा जनबर्गीय मोर्चा संगठनका संयोजकहरुको संयुक्त बैठक समेत सम्पन्न गरिएको थियो । क्रान्तिकारी माओवादीले २०५२ सालबाट भएको जनयुद्धको स्मरणमा शान्तिप्रक्रिया पछि पनि जनयद्ध दिवस मनाउदै आएको छ । त्यस्तै संयुक्त बैठकले संगठनका भेला सम्मेलन समेत ठोस गरेको छ । जसअनुसार माघ २७ गते अखिल नेपाल राष्टिय शिक्षक संगठन, फागुन ४ गते अखिल नेपाल क्रान्तिकारी टेड युनियन र फागुन १४ गते युवा लीगको भेला गर्ने रहेको छ । त्यस्तै बैठकले फागुन ४ गते नै अखिल नेपाल आदिवासी जनजाति महासंघको भेला गर्ने निर्णय लिएको मगर अखिल नेपाल मगर राष्टिय मुक्ति मोर्चाका जिल्ला संयोजक गोबिन्द साठीघरेले जानकारी दिनुभयो । त्यस्तै बैठकले फागुन ७ गतेबाट हुने मेची महाकाली अभियानमा जिल्लाबाट सहभागी हुने , शहिद दिस मनाउने , फागुन २५ गते राष्टिय उद्योग ब्यापार संगठनको भेला र फागुन २८ गते दलित मोर्चाको भेला सम्पन्न गर्ने निर्णय समेत लिएको जनाइएको छ । भेला देशभक्त जनगणतान्त्रिक मोर्चाका संयोजक राजु खनालको अध्यक्षतामा भएको थियो । भेलामा क्रान्तिकारी माओवादीका जिल्ला सेक्रेटरी चोला जिल्ला सचिवालय सदस्य रामप्रसाद , समर, विवेक, प्रशान्त , न्युक्लियस लगायतले धारणा राख्नुभएको थियो ।
