दुई करोड रुपियाँभन्दा बढी रकमको बीमा गरी भुक्तानी लिन एक युवकको हत्या भएको खुलेको छ ।
शुक्रबार केन्द्रीय अनुसन्धान ब्यूरो (सीआईबी)ले पत्रकार सम्मेलन गरी सर्जन बिकको हत्या भएको सार्वजनिक गरेको हो ।
बाँकेको कोहलपुर बस्ने २१ वर्षीय बिकको हत्या र हत्यापश्चात् बीमा रकम असुर गरिएको सम्बन्धमा प्रहरीले छ जनालाई पक्राउ गरेको छ ।
पक्राउ पर्नेमा बाँके कोहलपुरका सपना मल्ल, सञ्जीव अर्याल, सरदार अहम्द खाँ, टोपबहादुर राना, दीपक केसी र ललिता सापकोटा छन् । सीआईबीले पत्रकार सम्मेलनमार्फत उनीहरुलाई सार्वजनिक गरेको हो ।
प्रहरीले छ जनालाई साङ्गठिक अपराध र ठगीमा म्याद थप गरी अनुसन्धान सुरु गरेको छ । gorkhapatra