सुनवल : पश्चिम नवलपरासीमा छुट्टाछुट्टै स्थानमा भएको सवारी दुर्घटनामा २ जनाको मृत्यु भएको छ भने २ जना घाइते भएका छन् । सुनवल नगरपालिका ७ ज्यामिरेमा शुक्रबार बिहान बस र बोलेरो एक आपसमा ठोक्किदा १ जनाको मृत्यु भएको छ भने दुई जना घाइते भएका छन् ।
बिहान ६ बजे बुटवलबाट पुर्व जाँदै गरेको ना ७ ख ६९६३ नम्बरको बस र वुटवल जादै गरेको प्रदेश २–०३–००१ च ३१२ नम्बरको पिकअप एक आपसमा ठोक्किदा बसका सहचालक सुर्खेत विरेन्द्रनगरका १७ वर्षिय विरेन्द्र रानाको मृत्यु भएको जिल्ला प्रहरी कार्यालय नवलपरासी पश्चिमले जनाएको छ ।
दुर्घटनामा गम्भिर घाईते भएका रानाको उपचारका लागी परासी ल्याउदै गर्दा बाटोमै मृत्यु भएको हो ।
दुर्घटनामा बसका चालक सुर्खेत विरेन्द्रनगरका केशव श्रेष्ठ र पिकअपका चालक धुनुषा मिथिला ९ का कृष्ण बहादुर बुढा घाईते भएको जिल्ला प्रहरी कार्यालयका सुचना अधिकारी प्रहरी निरिक्षक राजिव श्रेष्ठले जानकारी दिनुभयो । उनको पृथ्वी चन्द्र अस्पताल परासीमा उपचार भईरहेको छ । यस्तै बिहीबार राती नवलपरासी पश्चिमको पाल्हीनन्दन ३ परसियामा मोटरसाईकलको ठक्करबाट पैदल यात्री नाथु प्रसाद गुप्ताको मृत्यु भएको छ । ठक्करबाट टाउकोमा गम्भिर चोट लागेका गुप्ताको घटनास्थलमै मृत्यु भएको प्रहरीले जनाएको छ । मोटरसाईकल चालक भने फरार रहेका छन् ।